Қаржылық монитоинг агенттігі таратқан ақпаратқа сүйенсек, Ресей Федерациясының азаматы 2020 жылдың шілдесі мен 2023 жылдың қаңтары аралығында заңсыз әрекеттерінің нәтижесінде 180 миллион теңгеден астам сомаға аса ірі көлемде табыс алғаны анықталды.
"Сот үкімдері бойынша күдіктінің 85 миллион теңге көлеміндегі жылжымайтын мүлкі, оның ішінде "Binance" крипто биржасының платформасында орналастырылған цифрлық активтері (криптовалюта) тәркіленді".ҚР ҚМА баспасөз қызметі
Құқық бұзушы бес заңсыз криптовалюта айырбастау пунктіне қатысты қылмыстық істі тергеу барысында анықталды, іс аясында криптовалюта айырбастау пункттері арқылы цифрлық активтермен тыйым салынған кәсіпкерлік қызметпен айналысқан бір топ тұлғалардың қылмыстық әрекеттерінің жолы кесілді.
Қазір сотқа дейінгі тергеу жүріп жатыр.