Жер сілкінісі 23 ақпан күні Алматы уақыты бойынша 06:37-де тіркелді. Сейсмологтардың мәліметінше, магнитудасы 7,0-тең болды. Алматыда жер асты дүмпулері 2-3 баллда сезілді.
"Жер сілкінісінің ошағы Алматыдан оңтүстік-батысқа қарай 696 шақырым жерде Тәжікстан аумағында орналасқан", – делінген қазақстандық сейсмологтар таратқан хабарламада.
- Жер сілкінісінің энергетикалық класы: 16.0.
- MPV магнитудасы: 7.0.
- Тереңдігі: 20 км.
- Сезілгені жөніндегі ақпарат (МСК-64 шкаласы бойынша): Алматы қаласында 2-3 балл.
Алматы қаласы төтенше жағдайлар департаментінің мәліметінше, патрульдік бағыттар бойынша визуал "ештеңе байқалмады", жағдай тұрақты. "112" және "101" желілеріне тұрғындардан қоңыраулар түскен жоқ.
"Қазселденқорғау" ММ мәліметінше, гидротехникалық құрылыстарда деформация, шөгу және сызаттар анықталған жоқ". Алматы қаласы төтенше жағдайлар департаменті
22 ақпан күні Алматы уақыты бойынша сағат 16:25-те жер сілкінісі тіркелді. Жер сілкінісінің ошағы Алматыдан оңтүстік-шығысқа қарай 439 шақырым жерде Қытай аумағында орналасқан.
21 ақпан күні Иранда жер сілкінді. Жерасты дүмпуі Иранның оңтүстігіндегі Бендер-Аббас қаласының солтүстік-батысында тіркелді.
21 ақпан күні Сириямен шекаралас Түркияның Хатай провинциясында тағы да жер сілкінісі тіркелді. Оның магнитудасы 6,4 болды.