26 наурызда сағат 16:55-те төтеншеліктердің шұғыл байланыс желісіне Бірлік ауылынан 20 шақырым қашықтықтағы Қиғаш өзенінің жағалауында қамыс өртеніп жатқаны туралы хабар келіп келіп түсті.
Өрт сөндіру бөлімшесі оқиға орнына келіп жеткенде "Құрманғазы ормандар мен жануарлар дүниесін қорғау мекемесі" КММ аумағында қамыстардың отқа оранғанын анықтады. Қамысты алқаптың 30 гектарын қызыл жалын шарпығаны анықталды. ТЖД қызметкерлері және "Құрманғазы ормандар мен жануарлар дүниесін қорғау мекемесі" КММ күштерімен 21 гектар көлемдегі қамыс өрті сөндірілді, ал қалған 9 гектар алқаптағы өрт өздігінен өшкен.
"Өрт 21:30 сағатта толықтай жойылды. Зардап шеккендер жоқ. Өртті сөндіруге Атырау облысы ТЖД 11 қызметкер, 1 техника, 1 дана мотопомпа, "Құрманғазы ормандар мен жануарлар дүниесін қорғау мекемесі" КММ-дан 20 адам, 4 қайық , 4 дана мотопомпа жұмылдырылды". Атырау облысы ТЖД Қоғаммен байланыс тобы
