ШҚО ТЖД баспасөз қызметінің хабарлауынша, 31 наурызда Өскемендегі Астана көшесінде бес қабатты тұрғын үйден өрт шыққан. Үшінші қабаттағы пәтерлердің бірі отқа оранған. Белгілі болғандай, өртенген пәтерде ешкім болмаған. Газ-түтіннен қорғау қызметінің отряды тексеру кезінде подъезден кейуананы тауып, мамандандырылған жасақ бастығының көмекшісі Нұртас Нұрсейітов оған сыртқа шығуға көмектесті.
"Бір мезетте аталған тұрғын үй пәтерлерінен өрт сөндірушілер 10 адамды эвакуациялап, "Вахта" атауындағы жылы көлікке орналастырды. Отқа оранған пәтердің залында жиһаздар мен жекелеген заттар жанып жатты. Сондай-ақ, өрт көршілердің балконына ішінара ұласқан. Құтқарушылардың жедел іс-қимылының арқасында жалпы ауданы 33 шаршы метр өрт сөндірілді. Өртті сөндіруге ШҚО ТЖД-ның жеке құрамынан 15 адам және 5 техника жұмылдырылды. Өрттің шығу себебінің алдын ала болжамы - темекі шегу кезінде өрт қауіпсіздігі талаптарын сақтамау". ШҚО ТЖД баспасөз қызметі
