Бонни Гучқа Goppert Financial банкін тонады немесе тонауға әрекет етті деген айып тағылды, деп жазды New York Post.
Тонау әрекетінен кейін полицейлер бағыты күдік туғызған көлікті тоқтатқан. Көлік тізгінінде Бонни Гуч болған, көліктен айғақтар да табылды.
"Жағдай қиын болғаны өз алдына, көліктен егде жастағы әйел түсіп келе жатқанда қайран қалдық". Плезант-Хилл полициясының бастығы Томас Райт
Бонни Гуч ұсталып, 6 сәуірде оған айып тағылды.
Кейін белгілі болғандай, ол бұрын да дәл осындай қылмыстары үшін қамауға алынған. 2020 жылы 75 жастағы Гуч басқа банктен ұрлық жасағаны үшін ұсталған. Баласы анасының ашуланып, "банк тонаймын" деп үйден шығып кеткенін айтқан.
Ол кезде Бонни Гучке шартты жаза тағайындалып, бақылаумен босатылды, оның мерзімі 2021 жылдың қарашасында аяқталды. Екі жағдайда да қарақшы банк қызметкерлеріне талап жазылған хат ұсынған.
Бұдан бөлек, 1977 жылы Бонни Гуч Калифорнияда банк тонады деген күдікке ілінді. Қылмыс жасаған кезде ол 32 жаста болған.