26 мектепке "мина қойылғаны" туралы хабарлама 2023 жылғы 20 сәуірде түскен.
"Қаланың шұғыл жедел қызметтері осындай хабарларға алғашқы ден қою шаралары шеңберінде қазіргі уақытта аталған объектілерге жарылыс-техникалық зерттеу жүргізуде". Алматы ПД баспасөз қызметі
Ведомство бірнеше мектеп тексерілгенін, ақпарат жалған болып шыққанын атап өтті.
"ҚР Қылмыстық кодексінің 273-бабы ("Терроризм актісі туралы көрінеу жалған хабарлама") бойынша қылмыстық іс қозғалды. Қазіргі уақытта жұмыс жалғасуда". Алматы ПД баспасөз қызметі
Дайындалып жатқан терроризм актiсi туралы көрiнеу жалған хабарлау – бес мың айлық есептік көрсеткіш мөлшерінде айыппұл салуға не сол мөлшерде түзеу жұмыстарына не бес жылға дейінгі мерзімде бас бостандығын шектеуге не сол мерзімге бас бостандығынан айыруға жазаланады.