Қазақстанның Таиландтағы консулының айтуынша, оқиға кезінде қайықтағы жолаушылар арасында Қазақстанның 4 азаматы болған.
"Олардың үшеуіне медициналық көмек қажет болды. Дәрігерлер тексергеннен кейін екі жерлесіміз ауруханаға жатқызылды. Жағдайы тұрақты, денсаулығы мен өміріне еш қауіп төніп тұрған жоқ". Қазақстан Республикасы Сыртқы істер министрлігінің баспасөз қызметі
Барлық медициналық шығындарды кеменің иесі саналатын Тайланд компаниясы көтерді.
"Біздің консул зардап шеккен азаматтармен және жергілікті билікпен хабар алысып отыр". Қазақстан Республикасы Сыртқы істер министрлігінің баспасөз қызметі
Бұған дейін апат кезінде 30-ға жуық шетелдік турист зардап шеккені хабарланған-ды.