Алматы облысында 250 адам жер сатып аламын деп миллиондаған теңгеге алданып қалды

Талғар ауданына қарасты Белбұлақ ауылында 250 адам жер сатып алу кезінде алаяқтардың құрбаны болғанын айтып шағымдануда. Жұрт белгісіз ер адамға кемінде екі миллион теңгеден берген, деп хабарлайды Zakon.kz.

Ер адам тұрғындардан ақша жинап, биыл көктемде жер телімдерін арзандатылған бағамен беруге уәде еткен. Алайда ол сол күйі хабарсыз кеткен. Зардап шеккен тұрғындардың әрқайсысы оның шотына кемінде екі миллион теңгеден аударған.

"Біз оны бірнеше айден бері іздеп жүрміз, ол кейбір адамға мекенжайын қалдырған, кейбірімен мәмілені бір нотариалды түрде растаған, бірақ оны табу мүмкін болмай кетті. Біз полицияға хабарластық, бірақ олардың тарапынан ешқандай әрекет көрмедік. Алданғандар арасында қарапайым адамдармен қатар, қарттар, мүгедектер, халықтың әлеуметтік жағынан осал тобына жататын адамдар да бар", – деді Zakon.kz тілшісіне аты-жөнін атамауды өтінген ашулы азаматтардың бірі.

Талғар ауданының әкімдігі бұл тұрғындардың жеке шаруасы екенін айтты.

"Бұл жағдайда азаматтық-құқықтық қатынас орын алып отыр. Бұл мәселелерге әкімдік араласа алмайды", – деді аудан әкімінің баспасөз қызметі Zakon.kz тілшісіне.

Ал, аудандық полиция бөлімі зардап шеккендерден арыз түспегенін айтты.

Алматы облысы
Жаңалықтан zakon.kz сайтында хабардар болыңыз: