Өңірлік конференцияларда ұсынылған 80 делегаттың жұмыс конференциясына еліміздің барлық өңірінен 61 делегат қатысты. Съезд барысында бірқатар мәселе талқыланып, қаулыда бекітілген шешімдер қабылданды.
"Қаулыда Қазақстанның жасыл партиясы атауын өзгерту туралы айтылады. Партияның орналасқан жері - Алматы қаласы. Сонымен қатар партияның жарғысына төрт тең төрағасы бар ұжымдық басқару әдісіне қатысты өзгерістер енгізілді".
Партия Саяси кеңес құрамын жаңартты. Cонымен қатар Бақылау-тексеру комиссиясының жаңа құрамы сайланды. Партия қаржылық есеп, өңірлік ұйымдарды қолдау және дамыту және басқа да мәселелер бойынша іс-шаралар жоспарын бекітуді көздеп отырғаны атап өтілді.
Сонымен қатар партия Саяси кеңес жанынан Қазақстанның барлық 20 өңірінің өкілін қамтитын Консультативтік кеңес құрмақ. Съезд президент тапсырмаларын орындауға және қазақстандықтардың заңды құқығын жүзеге асыруға бағытталған бірқатар шараларды бекіту туралы шешім қабылдады.