39 жастағы турист тауды Шымбұлақ – Талғар асуы (3163 метр) – Богданович мұздығы (3500 метр) – Абай шыңы (4010 метр) бағыты еңсермек болған.
ҚР Төтенше жағдайлар министрлігінің мәліметінше, 5 тамызда ер адам таныстарына сол күні сағат 21:00-де қалаға қайтатынын ескерткенімен, белгіленген уақытта байланысқа шықпаған.
Ер адамды іздеуге дереу ТЖД қызметкерлері, ТЖМ Республикалық жедел-құтқару жасағының құтқарушылары мен кинологиялық есептоптары, құтқару қызметтері мен "Доброспас" волонтерлері жіберілді. Құтқарушылар түні бойы тауда туристі іздеді.
6 тамызда таңертең ТЖД қызметкерлері іздестіруге ұшқышсыз ұшу аппараттарын қосты. ТЖМ Қазавиақұтқару авиаборты да ұшуға дайын болды. Алайда, таулы аймақтағы ауа райының нашарлауына және қатты жаңбырға байланысты ұшуға рұқсат берілмеді. Іздеу-құтқару операциясына Альпинизм федерациясының қызметкерлері де қосылды
Бір тәулік ішінде ТЖМ және ерікті құтқару қызметтерінің қызметкерлері жоғалған туристің тау бағыты бойынша барлық іздеу аймақтарын: Чертово шатқалы, Қарлытау шыңы, Хрищатый шыңы, Талғар асуы, Абай шыңы, Богданович мұздығын барынша қамтыды. Іздеу жұмыстары түнде де тоқтаған жоқ.
ТЖД қызметкерлері таудағы ауа-райы жақсарғаннан кейін ұшқышсыз ұшу аппаратын іске қосты. Іздеу орнында ТЖД, ТЖМ Республикалық жедел-құтқару жасағының отыздан астам қызметкері, ерікті құтқару қызметінің еріктілері, қалалық құтқару қызметінің құтқарушылары, Алматы қаласының Альпинизм федерациясының өкілдері, екі кинологиялық есептоп және ұшқышсыз ұшу аппараты жұмылдырылды.
