Солтүстік Қазақстан облыстық Жедел медициналық көмек көрсету орталығының директоры Юрий Белоногтың айтуынша, шақырту кешкі сағат 19:52-де келіп түскен. Фельдшерден құралған бригада: Аманжолов Батырхан, Әлжанов Батырхан, жүргізуші-фельдшер Юровский Владимир оқиға орнына 5 минутта келіп жеткен. Тексеру кезінде 31 жастағы ер адам клиникалық өлім жағдайында болған.
Зардап шегушінің қарындасының айтуынша, жедел жәрдем бригадасы келіп жеткенге дейін 8 минут бұрын ер адамды 220 ваттық ток соққан.
"Қауіпсіздікті тексергеннен кейін ACLS стандарты бойынша реанимациялық іс-шаралар дереу қолға алынды: жүрекке массаж, өкпеге жасанды жолмен ауа беру, дефибрилляция және кеңірдекке интубация жасалды. Реанимацияның төртінші циклінде ұйқы артерияларында өздігінен тыныс алу және қан тамырлары соғысы пайда болды", - дейді Юрий Белоног.
Сағат 20:23-те клиникалық өлімнен аман қалған науқас Петропавл қалалық көпбейінді ауруханасының жан сақтау бөліміне жеткізілді.
"Реаниматолог дәрігерлердің кәсібилігінің арқасында кеше науқас бейіндік бөлімге ауыстырылды. Есін біледі", делінген хабарламада.