Алматы облысы полиция департаментінің бастығы Бауыржан Әленовтің Instagram-дағы парақшасында жазуынша, адам өліміне алып келген атыс 7 қыркүйек күні болған. Іле ауданының ОАА-ға тегіс ұңғылы қарудан жарақат алған 4 жергілікті тұрғын түсті. Тағы бір адам ауруханаға барар жолда қайтыс болды.
"Аталған деректер ҚР ҚК 99-бабы (Кісі өлтіру) және ҚР ҚК 293-бабы 3-бөлігі (бұзақылық) бойынша тіркелді. Оқиғаға қатысушыларды полиция қызметкерлері анықтап, ұстады. Жағдайлар анықталуда".Алматы облысы полиция департаментінің бастығы Бауыржан Әленов
ПД бастығы қазіргі уақытта сараптамалық тексерулер тағайындаумен барлық қажетті тергеу шаралары жүргізіліп жатқанын хабарлады. Оның сөзінше, Алматы облысында жағдай тұрақты және бақылауда.