CNN арнасының хабарлауынша, наразылықтар Махса Амиридің өлімінің бір жылдығына орайластырылған. Амириді еске алуға арналған шерулер ел астанасы Тегеранды қоса алғанда, кемінде алты ірі қалада өтті. Иранның солтүстігіндегі Лахиджан қаласында наразылық акциясын қарулы полиция таратты.
Кейбір шерушілер үкіметке қарсы мәлімдемелер жасады. Көптеген наразылық білдіруші Иранда бір жыл бұрын басталған жаппай наразылықтар кезінде белсенді қолданылған "Әйелдер, өмір, бостандық" ұранын айтты.
Сол кезде ел тұрғындары билеуші режимнің саясатына келіспейтінін білдіріп, әйелдер Иранда қабылданған хиджаб киюге қойылатын қатаң талаптарды жұмсартуды талап етті. Былтыр шерулер билік тарапынан қатаң түрде басылғандықтан қазір митингі әлдеқайда аз.
Махса Амириді еске алу митингілері Парижде, Брюссельде, Берлинде және Лондонда да өтті. Сонымен қатар, Иранның өзінде қыздың қайтыс болғанына бір жыл толмас бұрын оның әкесі, көкесі мен ағасы бірнеше сағатқа қамауға алынды. Оларға еске алу шараларын "көтермеу" ескертілді.
Бұған дейін Иранда Швеция елшілігінің қасында Құранды өртеуге қарсы митинг өткен еді.
