Тұрғын үй кешені рұқсатсыз және бекітілген жобалық-сметалық құжаттамасыз салынған. Бұл жөнінде Маңғыстау облысының қоғамдық коммуникациялар орталығы мәлімдеді.
Ғимаратты бұзу туралы қаулыны Маңғыстау облысының мамандандырылған ауданаралық экономикалық соты шығарған. Ғимарат 30 қазан күні сүрілді.
"Ақтауда заңсыз, қажетті рұқсат құжаттарынсыз салынған нысандармен күрес белсенді түрде жүргізіліп жатыр. Заңсыз құрылысты тоқтату үшін сотқа көптеген талап-арыздар жолданды. Сонымен қатар қолданыстағы заңнамаға сәйкес мәжбүрлеп бұзу шаралары қолға алынады". Маңғыстау облысының мемлекеттік сәулет-құрылыс бақылауы басқармасының басшысы Дәурен Өтепқалиев
Алматы қалалық жоспарлау және урбанистика басқармасының басшысы жер учаскелерін беру және объектілердің құрылысын келісу кезінде лауазымдық өкілеттіктерін асыра пайдаланды деген күдікке ілінді.