3 қарашада оқыс оқиға болды: қаланың 11-шағын ауданында орналасқан "Ақтөбе ажары" тұрғын үй кешенінің жанынан өтіп бара жатқан полицейлер 25-қабаттан секірмек болған адамды байқады.
Полиция дереу әйел адамға жақындады. Ол қатты эмоциялық күйде болған және өзіне ешкімді жақындатпаған. Қызметкерлер бірден онымен сөйлесіп, тыныштандыруға кіріскен.
"Полиция қызметкерлері бір жарым сағат келіссөздің нәтижесінде қиын жағдайға тап болған әйелді тыныштандырды. Олар әйелді мұндай әрекеттен бас тартуға көндіре алды".
32 жастағы келіншек мұндай шарасыз қадамға жақын туыстарының қайтыс болуынан, туыстарымен және достарымен келіспеу салдарынан барғанын айтты. Ол медицина қызметкерлеріне тапсырылды.