Ол интернет желісі арқылы есірткі қылмысын анықтау жұмысы жоспарлы түрде істеліп жатқанын айтты. Жыл басынан бері Мәдениет және ақпарат министрлігіне 3,2 мыңнан астам есірткі сайттарын бұғаттау туралы сұраухаттар жолданған.
"Алайда бүгінде есірткі жарнамасының хабарландыру сайттары және басқа да интернет-платформалар арқылы "агрессив" түрінен "жасырын" түріне ауысып жатқаны байқалып отыр. Бастапқыда дереккөздерде есірткі сайттары деп ашық жазылса, бүгінде қаскүнемдер бұғатталуы мүмкін екенін түсініп, сілтемелер жасайтын болған", - деді спикер.
Бұл тұста "OLX" сайтының танымалдығы басым болып тұр.
"Жыл басынан бері ІІМ бастамасы бойынша полицейлер және сервис қызметкерлері осы сайттан анықтаған есірткі салып қоюшыларды жалдау бойынша "жасырынған" үш мыңнан астам хабарландыру өшірілді", - деп қосты Бақытжан Әмірханов.
