ҚР ҚМА ресми өкілі Әлібек Әбділовтің айтуынша, "ҚазТрансГазАймақ" АҚ Жезқазған филиалының басшысы мен бас маманы қала тұрғындары мен шаруашылық субъектілерінен 70-тен 300 мың теңгеге дейінгі мөлшердегі заңсыз ақшалай сыйақылар бопсалаған.
"Олар бұл қаражатты газды қосу рұқсатын және техникалық шарттарды жедел алу үшін талап еткен. Өңірдегі газдандыру саласындағы жүйелі проблемалар ҚМА Ұлытау облысы бойынша Департаментінің әлеуметтік желілерге мониторинг жүргізуі нәтижесінде анықталды", – делінген хабарламада.
Облыс прокуратурасының үйлестіруімен өткізілген жедел іс-шаралардың нәтижесі бойынша сотқа дейінгі тергеу тіркелді.
"Күдіктілерге қатысты "қамауда ұстау" бұлтартпау шарасы таңдалды".Әлібек Әбділов
Ол қазір тергеу жүріп жатқанын, ҚР ҚПК-нің 201-бабына сәйкес өзге ақпарат жариялауға жатпайтынын айтты.