Компания нақтылап өткендей, жолаушылар пойыздары Боранды станциясынан Шымкент және Түлкібас станцияларына ауа райы қолайсыз аймақтан 300 астам адамды тасымалдады. Мәселен, Шымкентке 240 жолаушы №33 "Алматы — Ақтөбе" және №77 "Алматы-Маңғыстау" пойыздарымен жеткізілді. Тағы 108 жолаушы №55 "Көкшетау — Қызылорда" пойызымен тасымалданды.
"Ауа райының қолайсыздығына қарамастан, жолаушылар пойыздары жұмысын тоқтатпайды. Теміржолдың барлық құрылымдық бөлімшелері жолаушыларды қауіпсіз тасымалдауды қамтамасыз етті", делінген "Жолаушылар тасымалы" АҚ баспасөз қызметінің хабарламасында.
Алдында қолайсыз ауа райына байланысты Қазақстанда 24 жол учаскесі жабылғаны хабарланған болатын.