1 қаңтарда Қостанай - Әулиекөл - Сурған автожолында құтқару операциясы болды. Аға лейтенант Санжар Қожеғұлов пен лейтенант Иван Захаров құрамындағы "Тұлпар-16" экипажы трассаны патрульдеу кезінде көмек туралы сигнал алды. Жолда 20 тоннадан астам жасымық тасымалдаған Әзірбайжан азаматы қиын жағдайға тап болған. Жүргізуші басқаруды жеңе алмай, ауыр жүгі бар көлікпен жол жиегіне түсіп өздігінен шыға алмаған. Бұл туралы Polisia.kz хабарлады.
Шетелдіктің түсіндірмесін тыңдағаннан кейін инспекторлар құтқару операциясына кірісіп кетті. Полиция қызметкерлері қажет құрылғысы бар басқа да арнайы мамандардың көмегімен жол жиегіне фураны алып шықты.
Бұл ретте басқа көлік құралдары үшін қозғалыс қауіпсіздігін және жүктің сақталуын қамтамасыз етті. Жүргізуші Сархан Мамадов полицейлерге және құтқару операциясына қатысқан барлық қызметкерге алғысын білдірді.
