Облыстық полицияның баспасөз қызметі хабарлағандай, лаңкестік актісі туралы көрінеу жалған хабарлау фактісі бойынша сотқа дейінгі тергеу амалдары жүргізіліп жатыр.
"Қазір бұл ақпаратты таратқан тұлғаларды анықтау үшін құзырлы органдармен бірлесіп жедел іс-шаралар жүргізіліп жатыр".Ақтөбе облысы ПД баспасөз қызметі
Сонымен қатар тәртіп сақшылары білім ошақтарындағы қауіпсіздікті қамтамасыз етуге, оның ішінде бейнебақылау және олардың маңында полицияның болуын арттыруға баса назар аударылатынын түсіндіреді.
"Білім беру ұйымындағы қолжетімдік режимі бақылауға алынды".Ақтөбе облысы ПД баспасөз қызметі
Сонымен қатар Ресейде осындай жалған хабарламалар туралы полицияға хабарланған.
"Бұл хабарламалар халық арасында дүрбелең тудыру мақсатында жасалып отыр. Азаматтардан арандатушылыққа бой алдырмауды және сабырлық сақтауды сұраймыз! Жағдай құқық қорғау органдарының бақылауында".Ақтөбе облысы ПД баспасөз қызметі
Белгісіз біреу Telegram арнасын ашып, Ақтөбедегі мектептер мен лицейлер, сауда орталықтарында "қырғын болады" деп ақпарат таратады. Арна авторы серіктестері бар екенін қосады. Оның айтуынша, мұндай оқиға 2024 жылдың 26 қаңтарында болады.
