Баланы ата-анасы іздей бастаған.
"Сағат 15:20-да біздің еріктілер аулаларды тексеріп, камераларды қарап, адамдардан сұхбат алып жатты. Сағат 16:00-де біз қуанышты хабар естідік. Бала табылды. Ол мектепке бара жатқан жолда ашық тұрған құдыққа құлап кеткен. Бала бірнеше сағат бойы одан шығуға тырысқан, бірақ шыға алмаған (құдықтың тереңдігі екі метрдей). Ол айқайласа да, оны ешкім естімеген. Бала сап-сау күйде табылып, құтқарылды. Ол бірнеше сағат бойы суды тізеге дейін кешіп тұрған", - деді VITA іздеушілері.
Белгілі болғандай, оқушыға өзінің тапқырлығы көмектескен. Жұрттың назарын аударғысы келген бала рюкзагын құдықтан лақтырып жіберген. Бұл жайтты жолдан өтіп бара жатқан 21-орта мектептің сегізінші сынып оқушылары Омар Сағындық, Нұрасыл Жаңажыл, Мансұр Ердәукеұлы байқаған. Олар құдыққа қарап, баланы шығарып алған.
Денсаулық сақтау басқармасына Pavlodarnews.kz хабарлағандай, қоңырау сағат 17:00 шамасында үй мекенжайынан түскен. Дәрігерлер алдын ала мидың шайқалуы мен жалпы гипотермия диагнозын қойды. Олар ауруханаға жатқызуды қарастырып жатыр.