Бұл туралы ҚР ТЖМ баспасөз қызметі ақпарат таратты.
"Талғар ауданында трансформатордың қысқа тұйықталуы орын алды. Сағат 19:20-да Алматы облысы ТЖД кезекші бөліміне Талғар ауданының Шымбұлақ ауылында қосалқы станцияда өрт болғаны туралы хабарлама келіп түсті. Өрт сөндірушілер оқиға орнына жеткеннен кейін трансформаторда өрт болмағанын, тек қысқа тұйықталуы орын алғанын анықтады. Зардап шеккендер жоқ". ҚР ТЖМ баспасөз қызметі
Оқиға орнына ТЖД-ның 7 қызметкері мен 2 техникасы жіберілгені де нақтыланады.
Айта кетсек, бүгін, 14 наурызда кешке Алматы облысының кейбір елдімекендері жарықсыз қалып, өңір әкімдігі түсініктеме берді.