10 сәуірдегі ҚР ТЖМ баспасөз қызметінің хабарлауынша, Мемлекет басшысының тапсырмасы бойынша мемлекеттік материалдық резервтен қосымша 21 арнайы және автомобиль техникасы, сондай-ақ шатырлар, төсек-орын жабдықтары, ыдыс-аяқ броньнан шығарылып, Шығыс Қазақстан, Ақтөбе және Атырау облыстарына жіберілді.
"Мемлекеттік материалдық резервтер комитетінің және "Резерв" РМК қызметкерлері тауарларды мемлекеттік резервтен босатып, тәулік бойына жұмыс істеп жатыр", делінген хабарламада.
Сурет: ҚР ТЖМ баспасөз қызметі
Сурет: ҚР ТЖМ баспасөз қызметі
Сурет: ҚР ТЖМ баспасөз қызметі
Айта кетсек, 7 сәуірде ҚР ТЖМ табиғи сипаттағы апатты жою жөнінде шаралар қабылдау үшін мемлекеттік материалдық резервтен арнайы техника мен басқа да қажетті заттар алынғанын хабарлаған еді. Ол кезде 51 арнайы және автомобиль техникасы бөлінген.
6 сәуірде Мемлекет басшысы Қасым-Жомарт Тоқаев Қазақстан халқына жасаған үндеуінде табиғи апаттан зардап шеккендерге көмектесу үшін Үкіметке мемлекеттік резервті пайдалануды тапсырғанын айтты.