Алдымен ол Петропавл қаласындағы сумен қамтамасыз ететін су қабылдағыштағы апаттың қалай жойылғанын сөз етті.
"Қаланы сумен қамтамасыз ететін су қабылдағышты электрмен жабдықтауға қатысты. "Қызылжар Су" ЖШС су тартудың бір көтергішін электрмен жабдықтау төрт желіден жүзеге асырылады. Есіл өзеніндегі су деңгейінің күрт көтерілуі және 11, 12 сәуірде мұздың көтеріліп, сең жүруі салдарынан барлық төрт қуаты зақымдалды. Трансформатор мен дизель генераторын жеткізу ұйымдастырылды, бірақ сорғының су басуына байланысты қазір Пестрое көлінде жаңасы орнатылуда. Электр бөлігі орнатылып, кернеу берілді. Механикалық бөлікті бүгін шамамен 16-00-де аяқтау жоспарлануда".
Петропавлды электрмен жабдықтау мәселесі қатысты ол қазіргі уақытта қала бойынша енгізілген электр энергиясы шектеуі толық көлемде алынып тасталғанын нақтылады.
"Сағат 9.20 шамасында "СевКаз АЭК" АҚ электр желілерінде мұздың аралық тірекке зақым келгені байқалды. Сағат 14.38-де электр энергиясымен қамтамасыз ету бойынша шектеулер толық көлемде алынып тасталды, 20.45-те қаланы электрмен жабдықтау толығымен қалпына келтірілді".
- Қостанай облысында ажыратылған абоненттер саны 5 мыңнан 1 мыңға дейін қысқарды.
- Ақтөбе облысында 5,5 мыңнан 103 абонентке дейін.
- Батыс Қазақстан облысында абоненттер саны 4 есеге, ал Атырау облысында 3 есеге қысқарды.
Төтенше жағдайды жоюға 9 000-нан астам энергетик мамандары, 2 145 бірлік арнайы автотехника қатысуда. Электр энергиясының 414 мобильді көзі бар.
Алдағы кезеңде кернеулердің әртүрлі кластарындағы электр беру желілерінің 1 867 тірегін қалпына келтіру қажет. Салдарды жою үшін барлық қажетті материалдар бар.
Айта кетсек, бүгін Премьер-министрдің бірінші орынбасары Роман Скляр Петропавлда ауызсу беріле бастағанын мәлімдеді.
