17 мамырда Атырау облысының ТЖ жөніндегі оперштабта келіп түскен суды бұру үшін Махамбет пен Сарытоғай ауылдарын жалғайтын автотрассаның жырылғаны хабарланған болатын. Осыған байланысты ауыл тұрғындары қайықпен тасымалданды.
"Қазавтожолда" 21 мамырда сағат 01:00 шамасында жол толығымен қалпына келтіріліп, көлік қозғалысына рұқсат етілгені нақтыланды.
"Атырау облысында көп мөлшерде келіп жатқан судың салдарынан Махамбет және Сарытоғай ауылдарының арасындағы автожол жырылып, жол қозғалысы уақытша тоқтатылған болатын.Жергілікті мемлекеттік органдар "ҚазАвтоЖол" ҰК" АҚ бірлесіп, аталмыш жол учаскесін қалыпқа келтіру бойынша жедел жөндеу жұмыстарын жүргізді",-делінген ведомство хабарламасында.
20 мамырда Бектенов әкімдерге қалпына келтіру жұмыстарының қарқынын тездету жөнінде тапсырма берді.