Спикер министрлік әлеуметтік сауалнамалар арқылы тұтынушылық жағдайдың динамикасын тұрақты негізде қадағалап отыратынын атап өтті.
"Өткен жылдың қорытындысы бойынша тәуелсіз сарапшылар еліміздің барлық өңірлерінде 10 мың респондент арасында сауалнама жүргізді. Сауалнамаға қатысқандардың 65%-ы медициналық қызметтердің сапасына наразы. Ең алдымен, мейірбике қызметкерлерінің дөрекілігі мен қабілетсіздігі, ұзақ кезектер және сапасыз көрсетілген медициналық қызметтер ерекшеленді", – деді ҚР ИІММ тұтынушылардың құқықтарын қорғау Комитетінің төрағасы.
Оның айтуынша, екінші орында интернет-провайдерлердің қызметтерінің шағымдары. Респонденттердің 52%-ы интернетке көңілі толмайды. Абоненттік төлемнің заңсыз алынуына, интернет қызметтерінің сапасыз ұсынылуына және тұтынушыға ескертусіз тарифтік жоспардың құнының ұлғаюына/өзгеруіне шағымданады.
"Сондай-ақ туристік қызмет саласы да ерекшеленді. Сауалнамаға қатысқандардың 52% -ы теріс жауаптар көрсетті. Ең алдымен, бұл дөрекілік және қызметкерлерге сапасыз қызмет көрсету, бүлінген тамақ, санитарлық-гигиеналық нормаларды сақтамау, мемлекеттік тілде мәзірдің болмауы. Егер өңірлер бөлінісінде алсақ, Ақтөбе, Ақмола, Түркістан және Солтүстік Қазақстан облыстарының тұрғындары, шамамен 70% туристік қызметте олардың құқықтарының бұзылғанын көрсетті. Сонымен қатар, респонденттердің 80%-ы Алматы, Қостанай және Қарағанды облыстарынан барлық түрдегі жолаушылар тасымалы қызметіне шағымданады", - деп толықтырды ол.
Оның айтуынша, "интернет-провайдерлердің қызметтеріне қанағаттанбаған" жауап нұсқасын көбінесе Алматы қаласы мен елорда тұрғындары екендігі анықталды.
"Қоғамдық пікірдің айтылған нәтижелері жекелеген салалардағы тұтынушылардың құқықтары саласындағы проблемалар әлі де жүйелі сипатқа ие және жылдан жылға қайталанып отыратынын көрсетеді. Мемлекеттік органдардың тұтынушылардың наразылығының туындауына түбірлік себептерге талдау жүргізу қажеттілігі бар. Уәкілетті орган ретінде біз тұтынушылар кәсіпкерлік субъектілеріне жиі шағымданатын осы салаларда "тұтынушылардың құқықтарын қорғау туралы" заңымыздың базалық қағидаттарын енгізу қажет екенін көріп отырмыз", – деп түйіндеді Асқар Тынысбеков.
