Астана қаласының Көлік және жол-көлік инфрақұрылымын дамыту басқармасы жөндеу жұмысына байланысты көлік құралдары үшін қозғалыс толығымен жабылатынын нақтылады.
"Астана қаласының Көлік және жол-көлік инфрақұрылымын дамыту басқармасы осы жылдың 3-4 маусымы аралығында Қабанбай батыр даңғылы мен Орынбор көшесінің қиылысында жол төсеміне орташа жөндеу жұмыстарын жүргізуді жоспарлап отыр",- делінген хабарламада.
Сурет: gov.kz
Ведомство Астана тұрғындары мен қонақтарынан қала жолдарында кептеліс тудырмас үшін қозғалыс бағытын алдын ала жоспарлауларын сұрады.
Мемлекет басшысы 31 мамырда еліміздегі ұңғыл-шұңғыл жолдар мәселесін көтеріп, оған не себеп екенін айтты.