Атырау облысының ТЖ жөніндегі жедел штабының мәліметінше, Атырау қаласында жел екпін алуда. Желдің екпіні секундына 7-12 метр жылдамдыққа дейін жетеді деп күтіледі.
"Қазгидромет" РМК Атырау облысы бойынша филиалының мәліметінше, Махамбет, Индер аудандарында батыстан, солтүстік-батыстан қатты жел соғады.
"Ауа райының қолайсыздығына байланысты, Махамбет, Индер аудандары, Атырау қаласында бөгет бойындағы белгіленген учаскелерде кезекшілер күшейтілген режимде жұмыс істеп жатыр", делінген 2024 жылғы 8 маусымдағы жедел штаб хабарламасында.
8 маусым, 12:00 сағаттағы жағдай бойынша, Жайық өзеніндегі су деңгейі:
- Индер ауданында - 896 см (шекті деңгейі - 845 см),
- Махамбет ауданында 993 см (шекті деңгейі - 850 см),
- Атырау қаласында 592 см ( шекті деңгейі - 550 см) құрады.
