Құқық бұзушылықтар тексерілген 18 автобустың екеуінде тіркелді. Бұл туралы Батыс Қазақстан облысы бойынша экология департаментінің баспасөз қызметі Facebook-тегі ресми парақшасында жариялады. Ведомство Жол полициясымен бірлесіп Орал қаласында "Автобус" республикалық жедел профилактикалық іс шарасы аясында автокөлік шығарындыларына экологиялық мониторинг жүргізді.
Сурет: БҚО бойынша Экология департаменті
Нәтижесінде жол полициясы қызметкерлері ҚР ӘҚБК-нің 334-бабына сәйкес (Шығарындыларда ластаушы заттардың болуы нормативтерден асып кететін автомотокөлiктерді және басқа да жылжымалы құралдарды пайдалану) жеке тұлғаларға қатысты әкімшілік материал толтырып, ескерту түріндегі әкімшілік жауапкершілікке тартылды.
Бұған дейін Автобус жүргізушілерін медициналық тексеруден өткізудің автоматтандырылған жүйесі іске қосылғанын хабарладық.
