ҚР ТЖМ баспасөз қызметі бүгін, 17 шілдеде Ақтөбе қаласының құтқарушыларының дәмханалардың бірінде шыққан өртті сөндіргенін хабарлайды. Оқиға орнына келген ТЖМ қызметкерлері мекеменің ас үйінде тамақ қуыратын арнайы электр жабдықтағы май жанғанын анықтады.
"Құтқарушылар шақырту түскен сәттен бастап 14 минут ішінде өртті сөндірді. Зардап шеккендер жоқ", делінген хабарламада.
ҚР ТЖМ мұндай жағдайда не істеу керектігін айтты. Егер май жанса:
- тамақ пісіріп жатқан пешті немесе электр құрылғысын өшіріңіз;
- табаны немесе кастрюльді қақпақпен жабыңыз, бірақ қақпақ әйнектен жасалған болмауы керек!
- жанып тұрған майды сумен сөндірмеңіз - бұл қауіпті;
- өрт сөндіргіштерді сатып алыңыз, алғашқы өрт сөндіру құралы жедел қызметтер келгенге дейін жалынды сөндіруге көмектеседі.
