Орман шаруашылығы қызметінің хабарлауынша, 15 тамыз, сағат 18:00-ден 16 тамыз, сағат 13:00-ге дейінгі аралықта "Семей орманы" мемлекеттік орман қоры аумағында 18 өрт ошағы жойылды.
Мысалы, 15 тамызда сағат 18:39-да Бородулин филиалының ауылдық орманшылығының 48-ші кварталының аумағында от шыққаны анықталды. Орман өрт сөндіру станциясынан арнайы техника сағат 18-41-де оқиға орнына аттанды. Өрт 19:12-де оқшауланды. Қызыл жалын иектеген аудан 0,2 гектарды құрады. Өрттің шығу себебі - жайдың түсуі.
"Барлық өрт бір сағат ішінде жойылды. Қазіргі уақытта 10 орман өрті сөндірілуде", деп хабарлады ведомстводан.
Өрттің шығу себебі ретінде найзағайдың түсуі екені аталды.
2024 жылдың мамыр айында "Семей орманы" мемлекеттік табиғи резерватының екі қызметкеріне қатысты сот үкімі шықты. Олар жағдайды дұрыс бағаламағаны және ірі өртті сөндіру кезінде қауіпсіздік техникасының сақталуын қамтамасыз етпегені үшін кінәлі деп танылды. Бұл іс бойынша өрт кезінде 14 адам қаза тапқан. 2023 жылы 8 маусымда Абай облысында "Семей орманы" мемлекеттік орман табиғи резерватының аумағында орман алқабы өртенді.