Бұл туралы өңірдің төтенше жағдайлар департаменті сілтеме жасап, lada.kz басылымы жазады.
Ведомствоның мәліметінше, қайғылы оқиға бүгін, 30 тамызда, таңғы 9:54-те болды.
"Куәгерлер 1977 жылғы ер адамның денесін судан алып шықты. Ол шомылуға арналмаған жерде суға батып кеткен. Оқиғаның мән-жайы анықталуда", делінген өңірлік төтеншеліктер хабарламасында.
Айта кетсек, 11 тамызда Алакөлде жасөспірімді құтқармақ болған тоғыз жастағы баланың өзі суға батып кете жаздаған еді.
