Ыстық судың 2 қыркүйек күні таңертеңнен 4 қыркүйек кешке дейін болмайтыны жайлы ақпаратты "Жайықжылқуат" АҚ өздерінің Instagram парақшасында жариялады. Шаралардың магистралдық құбырда жоспарланған гидравикалық сынақтарға байланысты қабылданғаны да атап өтілді.
Мекеме желідегі наразылықтарға қарамастан, 208 жеке тұрғын үйден бөлек, әлеуметтік мекемелерде де ыстық су өшірілетінін мәлімдеді. Оның қатарында:
- 12 балабақша;
- 10 мектеп;
- төрт аурухана.
Сурет: Instagram/ao_jte
Жазба астындағы комментаторлардың ақпаратына сүйенсек, ыстық су бір апта бұрын ғана өшірілген. Кейбіреулердің айтуынша, одан бері ыстық су берілмеген үйлер де бар. Бұдан бөлек тұрғындарды мекеме жаңа оқу жылының басында мұндай қадамға қалай барғаны таңғалдырды.
Бұған дейін Оралда көлікке Ресей нөмірін таққан жүргізуші үш күннің ішінде 40-қа жуық жол ережесін бұзғаны хабарланды.