КТК ақпаратынша, қазір осы жағдайға қатысты қылмыстық іс қозғалған.
Айта кетейік, қашқын араға төрт күн салып, бейсенбіден жұмаға қараған түні ұсталған болатын. Ол өзі тұратын Тереңқара ауылының маңынан табылды. Бекарыс Қалмырзаев бұның алдында кәмелетке толмаған қызды зорлады деген күдікпен ұсталған.
"Күдікті қайтадан уақытша ұстау изоляторына қамалды. Оған жасалған негізгі қылмысқа қосымша қамаудан қашқаны үшін айып тағылады. Полиция іздеу шараларына қолдау көрсеткен барлық азаматқа алғыс білдіреді".Меруерт Морякова, Алматы облысы ПД ресми өкілі
Күдікті қашқынның 25 қазанда ұсталғаны хабарланған болатын.