Жер сілкінісі ошағы Қырғызстанда тіркелді. Бұл туралы осы елдің ТЖМ Республикалық сейсмомониторинг орталығы ақпарат таратты:
"Жер сілкінісінің ошағы Ташкенттен оңтүстік-шығысқа қарай 290 шақырымда орналасқан Ош облысының Чон-алай ауданында тіркелді. Мұнда 5,3 магнитуда тіркелді. Жер сілкінісі ошағының тереңдігі - 10 км".
Өзбекстан астанасындағы жер асты дүмпулері кейбір аудандарда 2 баллды құрады. Ташкент облысында, сондай-ақ Ферғана алқабының аудандарында да жер сілкінісінің толқыны осындай болды. Душанбеде жер сілкінісі іс жүзінде сезілмеді. Қирандылар туралы ақпарат болған жоқ.