Кадрларға зер салсақ, куәгерлер ұшақ құлаған сәттен-ақ көмек көрсетуге асыққан.
Олар зардап шеккендерді борттан шығарып, қауіпсіз жерге апарды.
Бұған дейін Ақтау маңында "Баку-Грозный" бағытындағы ұшақ апатқа ұшырағаны хабарланған болатын. Көлік министрлігінің мәліметінше, әуе кемесі Azerbaijan Airlines авиакомпаниясына тиесілі. Оқиға орнына ТЖМ жеке құрамынан 52 адам және 11 бірлік техникасы барды. Сондай-ақ, жолаушылардың тізімі жарияланды. Дәл қазіргі сәтте аман қалған 25 адамның 22-сі ауруханаға жеткізілді.