Оқиға орнында ҚР ТЖМ, ТЖМ Апаттар медицинасы орталығының, полиция департаментінің, жергілікті атқарушы органдардың жеке құрамынан 235 адам, 98 бірлік техника, 2 кинологиялық есептоп жұмылдырылды.
"Қаза тапқан 38 адамның 10-ының жеке басы анықталып, танылды: Қазақстан азаматы - үшеу, Ресей - үшеу және Әзербайжанның төрт азаматы. Денелерді идентификациялау жұмыстары жалғасуда. 20 зардап шеккен адам емдеу мекемелерінде жатыр. Ауруханаға жатқызылған барлық 29 зардап шеккен адамның жеке басы анықталып, танылған", делінген хабарламада.
14 зардап шегуші еліне оралмақ. Осы мақсатта бір топ делегация мінген екі борттың Әзірбайжанға ұшуы жоспарланып отыр.
Бұған дейін Ақтауда ұшақ апатынан қаза тапқан қазақстандықтар туралы толыққанды мағлұматтар топтамасын ұсынған едік.