Бұл туралы бүгін, 2025 жылғы 2 қаңтарда Ақорда мәлімдеді.
"Қасым-Жомарт Тоқаев Цетине қаласында орын алған жантүршігерлік оқиға салдарынан көптеген адамның, соның ішінде балалардың қаза тапқаны туралы суыт хабарды күйзеліспен қабылдағанын жеткізді",- делінген ақпаратта.
Президент Черногория халқының қайғы-қасіретіне ортақтасып, жақындарынан айырылған отбасыларға көңіл айтты. Сондай-ақ зардап шеккен азаматтардың тез арада сауығып кетуіне тілектестік білдірді.
Бұған дейін Тоқаевтың Байденге көңіл айту жеделхатын жолдағаны хабарланған болатын.