Төтенше жағдайлар министрлігінің хабарлауынша, Ақши мен Көктұма ауылдарының аралығындағы Алакөл көлінде 25 балықшы мінген мұз қабаты жарылып кеткен.
"Құтқарушылар құтқару қайықтарымен келіп, оларды жағаға шығарды", — делінген 2025 жылдың 10 қаңтарында жарияланған хабарламада.
Ведомство құтқарылған адамдардың медициналық көмекке мұқтаж болмағанын атап өтті.
"ТЖМ қатпаған мұзға шығудан бас тартуды ұсынады және қауіпті әрекеттерден сақтануға кеңес береді. Балық аулау — сенің өміріннен қымбат емес", — деп түйіндеді баспасөз қызметі.
Айта кету керек, құтқарушылардың балық аулау әуесқойларына көмекке келуі бірінші рет емес. Мысалы, 2024 жылдың қарашасында олар қайықтың ақауы салдарынан Балқашта тұрып қалған екі балықшыны құтқарды.