КТК дерегінше, оқушының қасында өзі жазған хаты жатқан. Онда жақындарынан кешірім сұраған. Қатарластарының айтуынша, соңғы уақытта оның көңіл күйі болмапты.
"Оны соңғы рет өткен жұмада көрген болатынмын. Көңіл күйі болмаған, дабырқау болды. Негізі жақсы жігіт еді. Ашық-жарқын. Бір жылдан бері таныспыз. Осында әкесімен, әжесімен тұратын. Өлерінің алдында хат жазып кетіпті, кешірім сұрап",- деді достарының бірі.
Белгілі болғандай, жасөспірім қаланың жоғарғы жағындағы ауданда әкесімен және әжесімен бірге тұрған. Анасы 10 жыл бұрын көз жұмыпты.
Қазір полиция 15 жастағы жеткіншектің өліміне қатысты қылмыстық іс қозғап, мән-жайды анықтауға кірісті.
Бұған дейін Астанадағы қанды оқиға жайлы тың мәліметтер белгілі болғандығы хабарланған болатын.