Әлеуметтік желілерде №19 бағыттағы автобус жүргізушісі оқушыны билетсіз жүргені үшін салонды тазалауға мәжбүрлегені туралы ақпарат тарады. Осы шағымды тергеу үшін қалалық ТҮКШ бөлімі өкілдерінің қатысуымен комиссия құрылды. Полиция жүргізген тексеру, сондай-ақ ішкі қызметтік тексеру бұл ақпаратты растамады.
"Ақтөбе қаласындағы № 19 бағыттағы автобустар "Автопарк" ЖШС-не тиесілі. Полиция осы шағым бойынша маршруттың жүргізушілеріне қатысты мұқият тергеу жүргізді. Тексеру нәтижесінде оқушының еден жууға мәжбүр болғандығы туралы ақпарат расталмады. Бұл ақпарат жалған. Автобус жүргізушілерінің міндеті — жолаушыны белгіленген аялдамаға қауіпсіз жеткізу". Ақтөбедегі "Автопарк" ЖШС директоры Ақарыс Тілеулесов
Бұған дейін Ақтөбеде автобус жүргізушісі оқушыға еден жудыртқаны туралы ақпарат желіде тарап, осыған қатысты Оқу-ағарту министрлігі жасаған мәлімдемесін жариялағанбыз. Комитет оқиғаға құқықтық баға беру үшін Бас прокуратураның араласуын талап еткен еді.