Науырзым ауданы Қарамеңді ауылында жеке тұрғын үйде өрт шықты. Өрт сөндірушілер жедел оқиға орнына келіп, отты тез арада оқшаулап, оның таралуына жол бермеді.
"№20 өрт сөндіру бөлімнің бөлімше командирі Руслан Балтабаев жанып жатқан ғимараттың ішіндегі газ баллонын сыртқа алып шығып, жарылыстың алдын алды", делінген хабарламада.
Өрт сөндірілді, зардап шеккендер жоқ.
Өрттің шығу себебі анықталуда.
Бұған дейін Астанадағы теміржол вокзалында болған жарылысқа қатысты тергеу жүргізіліп жатқаны хабарланған.