Бұл туралы Ақорданың баспасөз қызметінің ресми мәлімдемесінде белгілі болды.
"Мемлекет басшысының өкімімен Ерұлан Кенжебекұлы Жамаубаев Қазақстан Республикасының Ұлттық Банкі Төрағасының бірінші орынбасары болып тағайындалды, ол бұрынғы атқарған лауазымынан босатылды", – деп жазылған ресми ақпаратта.
Жамаубаев Ерұлан Кенжебекұлы – 1974 жылы 25 наурызда дүниеге келген.
1996-1998 жылдары – Қазақ мемлекеттік аграрлық университетінде оқытушы-тағылымдамашы, оқытушы;
1998-2014 жылдары – ҚР Ұлттық банкінің жетекші маманы, департамент директоры;
2014-2015 жылдары – "Қазақстанның тұрғын үй құрылыс жинақ банкі" акционерлік қоғамының басқарушы директоры;
2015-2018 жылдары – ҚР Президенті Әкімшілігі Әлеуметтік-экономикалық мониторинг бөлімі меңгерушісінің орынбасары, бөлім меңгерушісі;
2018-2019 жылдары – ҚР Президентінің көмекшісі;
2019-2020 жылдары – ҚР Қаржы министрлігінің жауапты хатшысы;
2020-2022 жылдары – ҚР Қаржы министрі;
2022-2024 жылдары – ҚР Премьер-Министрінің орынбасары – Қаржы министрі;
2024 жылғы 20 мамырда Мемлекет басшысының өкімімен Қазақстан Республикасы Президентінің кеңесшісі болып тағайындалды.