"Диапазон" порталының мәліметінше, 2024 жылғы су тасқыны кезінде аудан орталығын Ақтөбемен байланыстыратын көпір қирап тынған.
"Жаңа көпір салынып жатқандықтан, тұрғындар әзірше понтонды пайдаланып жүрген. Оның өзі 14 наурызда су астында қалып кетті", - деп жазады басылым.
15 наурыздан бастап полиция қызметкерлері кезекшілікке қойылды. Әзірге, өзеннің арғы бетіне тек жаяу өтуге болады. Аудан әкімдігінің мәліметінше, бір тәулік ішінде өткел арқылы автомобиль қозғалысын қалпына келтіру жоспарлануда.
Айта кетсек, Қостанай облысы жаңа су тасқынымен бетпе-бет келуі мүмкін.