Белгілі болғандай, Lexus RX350 және Mercedes-Benz E-Class маркалы екі көлік соқтығысқан.
Екі көлік те батыс бағытта қозғалып келе жатқан. Lexus көлігін бойжеткен тізгіндеген.
Сурет: Zakon.kz
Ол ортаңғы жолақпен жүріп келе жатып, шет жақта орналасқан жанармай құю бекетіне бұрылмақ болған.
Сурет: Zakon.kz
Онымен қатар оң жағынан Mercedes көлігі келе жатқан. Мұндай маневрді күтпеген Mercedes жүргізушісі соқтығысудан қашуға тырысқан, алайда Lexus жүргізушісі бұрылуын жалғастыра берген.
Сурет: Zakon.kz
Нәтижесінде Mercedes жанармай құю бекетінің колонкасына соғылып, оны орнынан жұлып кетті. Көліктің өзі бекеттің тіреу бағанына соғылып, сонда тоқтаған.
Сурет: Zakon.kz
Жанармай құю станциясының қызметкерлері өрттің алдын алу үшін көлікті ұнтақты өрт сөндіргішпен өңдеген.
Сурет: Zakon.kz
Бекет басшысы қазіргі уақытта келтірілген шығынды есептеп жатыр. Зақымдану салдарынан АЖҚС уақытша жұмыс істемейді.
Сурет: Zakon.kz
Жол апаты салдарынан екі адам – Mercedes жүргізушісі мен жолаушысы зардап шекті.
Олар түрлі жарақаттармен жақын маңдағы ауруханаға жеткізілді. Жүргізушінің бірнеше сүйегі сынған. Зардап шеккендердің таныстарының айтуынша, олар соққыдан кейін алдыңғы әйнекке ұшып кеткен.
Сурет: Zakon.kz
Қазіргі уақытта оқиға орнында жол-патрульдік полиция қызметкерлері жұмыс істеуде.