Өңірлік ТЖД баспасөз қызметінің хабарлауынша, 21 маусымда Қара Ертіс өзеніндегі Боран ауылынан 5 шақырым қашықтықта 18 жастағы жігіт суға батып кетті.
"Оған 1991 және 1992 жылы туылған екі адам көмектесу үшін суға түскен, бірақ ағымға қарсы тұра алмаған олар да бақилық болды. Оқиға орнында және ШҚО ТЖ департаментінде жедел штабтар құрылды. 2007, 1991 және 1992 жылы туылған суға батқан адамдардың денелерін көп ұзамай құтқарушылар тапты. Іздеуге Шығыс Қазақстан мен Абай облыстарының құтқарушылары, полицейлер, еріктілер, жергілікті атқарушы органдар мен шекара қызметі қатысты", делінген ведомство хабарламасында.
Іздеу жұмыстарына барлығы 176 адам,15 жүзу құралы, 3 ұшқышсызұшу аппараты, су астындағы дрон, 1 эхолот жұмылдырылды.
Бұған дейін 2025 жылы 9 маусымда Ақтауда екі оқушы бала суға батып, оның тек біреуін құтқарушылар аман алып қала алғанын жазғанбыз.