Бұл науқанға еріктілер ұйымдары, жергілікті өзін-өзі басқару органдары мен пәтер иелері кооперативтері (ПИК) белсенді түрде атсалысуда.
Жыл басынан бері осы бағытта 268 рейд ұйымдастырылып, нәтижесінде есірткі заттарын насихаттайтын 5098 граффити-сурет жойылды. Сонымен қатар осындай мазмұндағы парақшаларды таратқан төрт азамат ұсталды.
Ұсталғандардың екеуі — кәмелетке толмағандар. Олардың ата-аналарына қатысты әкімшілік хаттамалар толтырылды.
Қарағанды облысы полиция департаменті азаматтарға есірткі құралдарын жарнамалау мен насихаттаудың — жазба жазу, сурет салу, QR-кодтар жапсыру немесе басқа да кез келген тәсіл арқылы жүзеге асырылса да — қылмыстық жауапкершілікке әкеп соғатынын ескертеді.
Мұндай әрекеттер үшін үш жылға дейін бас бостандығынан айыру түріндегі жаза көзделген. Полиция департаменті тұрғындарды қырағылық танытуға шақыра отырып, есірткі жарнамасына қатысты кез келген күмәнді жайттар туралы дереу хабарлауға үндейді.