2025 жылдың 16 қазанында Президенттің кеңесшісі – Президенттің Баспасөз хатшысы Руслан Желдібай өз Telegram-каналында хабарлады.
"Мемлекет басшысы Үкіметке шағын және орта бизнесті қолдауға, инвестициялық ахуалды жақсартуға, сондай-ақ елдегі экономикалық жағдайды тұрақтандыруға бағытталған түзетулер енгізіп, қажетті шешімдер қабылдау міндетін жүктеді", – деп жазылған ресми ақпаратта.
Президенттің пікірінше, Үкіметтің экономикалық саясаты Қазақстанның стратегиялық мүдделеріне сәйкес келеді және онда жаһандық конъюнктура мен қазіргі нарықтық үрдістер ескерілген.
14 қазан күні Премьер-министр Олжас Бектенов үкімет отырысында өңдеу өнеркәсібінің өсуін күшейту, инвестицияларды тарту, бағаның өсуін тежеп, инфрақұрылымды жаңғырту қажеттігін айтты.