Геофизикалық зерттеулер институтының деректер орталығының оперативтік мәліметіне сәйкес, Астана уақытымен сағат 9:32-де Каспий теңізінде жер сілкінісі орын алған.
Эпицентрдің координаттары: солтүстік ендік – 41,27°, шығыс бойлық – 53,04°. Магнитудасы mb = 5,3, энергетикалық класы K = 13,1. Жер сілкінісінің халыққа сезілуі туралы ақпарат жоқ.
VolcanoDiscovery.com сайтындағы мәліметке сәйкес, эпицентрге ең жақын жерлер: Түрікменстан – 89 км, Әзербайжан – 120 км, Қазақстан – 132 км.
Айта кетейік, 22 желтоқсан түнде Алматыда жер сілкінісі 2 балл күшімен сезілген.