Оның айтуынша, әлеуметтік желіде тараған ақпараттағыдай, Қайрат Сатыбалды аталған колледжде дәріс оқыды деген мәлімет шындыққа сәйкес келмейді.
Вице-министрдің сөзінше, оқу орнының 40 жылдық мерейтойына арналған іс-шара түлектердің бастамасымен ұйымдастырылған, ал Қорғаныс министрлігі бұл шараға қатыспаған.
"Бұл – түлектер ұйымдастырған іс-шара. Министрлік оған қатысы жоқ. Олар өзге мекемелер сияқты мерейтойларын өткізеді – 40 жылдық, 20 жылдық және тағы басқа. Ол ол жерге осы оқу орнының түлегі ретінде келген", – деді Дархан Ахмедиев.
Журналистердің жастарға әсері туралы сұрағына жауап берген вице-министр оның дәріс оқымағанын атап өтті.
"Бірінші рет естіп тұрмын, ол дәріс оқыған жоқ және оқымайды да. Дәріс оқу үшін ол профессорлық-оқытушылық құрамның мүшесі болуы керек. Басшылық қазірдің өзінде жазаланды, менің білуімше, қызметінен босатылған", – деді ол.